🌾🌾🌾Сунтаар улууһугар сири кытта үлэлиир фермердэр Алексей Сидоров уонна Александр Егоров тыа сиригэр олус наадалаах ыскылааты тутан үлэҕэ киллэрдилэр. Манна Тойбохой, Бүлүүчээн сирдэригэр, киэҥ, ньэлэмэн бааһыналарыгар үүннэриллибит бурдугу харайыахтара.
Эбийиэк аһыллыытыгар тыа хаһаайыстыбатын миниистирин 1-кы солбуйааччыта Анна Стручкова кыттыыны ылла. Тойбохой хаһаайыстыбата кормовой базаны бөҕөргөтүүгэ үлэтин биһириирин уонна маннык эбийиэктэр республикаҕа элбэх буолуохтарын наада диэн бэлиэтээн эттэ. Оччотугар үрдүк хаачыстыбалаах эбии аһылык бэлэмнэннэҕинэ үүт ас дэлэй буолуоҕа. Кырдьыга да, улууска кэлиҥҥи сылларга сири кытта үлэ күргүөмнээхтик ыытыллан урукку бааһыналар сөргүтүллэн, туһаныллар сир иэнэ сылтан сыл кэҥээн иһэр.
Анатолий Григорьев, улуус салалтата бу хайысханы сайыннарыыга болҕомтолорун туһаайаннар, эбийиэк Национальнай бырайыак иитинэн үлэҕэ киирдэ. Манна биир угууга 14 куб бурдугу куурдан таһаарар баараҕай тэрил турда.
